ერთი შეხედვით, სოსისის მომზადებაზე მარტივი არაფერია: დადებ ტაფაზე ან ჩააგდებ წყალში და რამდენიმე წუთში მზადაა. თუმცა, ბევრს გამოუცდია ის იმედგაცრუება, როდესაც შეწვისას სოსისის კანი სკდება, მთელი წვენი გარეთ გადმოედინება და თეფშზე ოქროსფერი, წვნიანი სოსისის ნაცვლად მშრალი, უგემური პროდუქტი გვრჩება. ხშირად პრობლემებს ვაწყდებით სოსისის მოხარშვის დროსაც, გვისკდება და სასურველ, გემრიელ შედეგს ვერ ვიღებთ.

იმისათვის, რომ ეს გავრცელებული შეცდომები თავიდან ავირიდოთ, “შეფმაისტერი“ გირჩევთ:

• სოსისის შეწვისთვის ოპტიმალური ტემპერატურაა 160-დან 180°C-მდე- ყველაზე გავრცელებული შეცდომა სოსისის გადახურებულ, ძალიან ცხელ ტაფაზე ან გრილზე დადებაა , რაც მომენტალურად იწვევს კანის გასკდომას;
• მოხარშვისას სოსისი უნდა მოვათავსოთ ოთახის ტემპერატურის წყალში, როგორც კი წყალი ადუღების წერტილს მიაღწევს, მაქსიმუმ 2 წუთში უნდა გამოვრთოთ. ასე სოსისი იდეალურად გათბება და წვნიანობასაც სრულად შეინარჩუნებს;
• სოსისის ტაფაზე შეწვის დროს, ბევრი ცხიმის გამოყენება არ არის საჭირო, სულ რაღაც 2-3 წვეთი მცენარეული ცხიმი ან ცოტა კარაქი საკმარისია იდეალური შედეგის მისაღებად.

აირჩიეთ ხარისხიანი სოსისი, მაგალითად გრილმენი, გაითვალისწინეთ “შეფმაისტერის“ რჩევები და გვერწმუნეთ, თქვენი საყვარელი პროდუქტი იმედს არასდროს გაგიცრუებთ.